நமது ஊராட்சிக்கு உட்பட்ட 8 கிராம பொதுமக்களின் அடிப்படை குடிநீர் ஆதாரமாக விளங்கும் கிணறு மற்றும் ஆழ்துளை கிணறுகள் அமைந்துள்ள இடத்திற்கு மிக அருகாமையில் தென்னை நார் தொழிற்சாலை அமைக்கப்பட்டு வருவதாக நமது ஊர் பொது மக்களிடமிருந்து தகவல் பெறப்பட்டது. தகவலின் பெயரில் உழவன் - சமூக சேவை மையம் சார்பாக கடந்த 29.06.2024 அன்று தொழிற்சாலை உரிமையாளர் அவர்களை நே ரில் சந்தித்து கழிவுநீரால் ஏற்படும் குடிநீர் பாதிப்புகளை பற்றி தெரிவித்தோம். இது தொடர்பாக உழவன் சமூக சேவை மையத்தின் சார்பாக 05.07.2024 அன்று மாவட்ட ஆட்சியர் அவர்களை நேரில் சந்தித்து மனு அளிக்கப்பட்டது. இதன் அடிப்படையில் மாவட்ட வருவாய் கோட்டாட்சியர் (தெற்கு) அவர்கள் தலைமையில் தற்போது விசாரனை நடைபெற்று வருகிறது.

இது தொடர்பாக உழவன் சமூக சேவை மையத்தின் சார்பாக 05.07.2024 அன்று மாவட்ட ஆட்சியர் அவர்களை நேரில் சந்தித்து மனு அளிக்கப்பட்டது. இதன் அடிப்படையில் மாவட்ட வருவாய் கோட்டாட்சியர் (தெற்கு) அவர்கள் தலைமையி ல் தற்போது விசாரனை நடைபெற்று வருகிறது.

15.08.2024 சுதந்திர தினத்தன்று சுல்தான்பேட்டையில் நடைபெற்ற கிராம சபை கூட்டத்தில் குடிநீர் ஆதாரத்திற்கு பாதிப்படையும் வகையில் அமையவிருக்கும் தென்னை நார் தொழி ற்சாலை யை தடுக்க வலியுறுத்தியும், ஊராட்சிக்கு உட்பட்டு தண்ணீர் இருந்தும் செயல்படாமல் இருந்த ஆழ்துளைக் கிணற்றை இயக்கக் கோரியும் தீர்மானங்களை நிறைவேற்ற வலியுறுத்தியிருந்தோம்.

மேலே வலியுறுத்தப்பட்ட தீர்மானங்கள் நிறைவேற்றப் படாததால், நமது கிராம பொது மக்களின் நலனை கருத்தில் கொண்டு, தீர்மானங்களை நிறைவேற்ற உழவன் - சமூக சேவை மையத்தின் உறுப்பினர்கள் 02.10.2024 காந்தி ஜெயந்தி அன்று புளியமரத்துபாளையத்தில் நடைபெற்ற கிராம சபை கூட்டத்தில் கலந்து கொண்டோம். கிராம சபை கூட்டத்தில் தீர்மானங்களை நிறைவேற்ற பெரும்பான்மையான வார்டு உறுப்பினர்கள் இல்லாதகாரணத்தாலும், கிராம சபை கூட்டம் நடை பெறுவது குறித்து 7 நாட்களுக்கு முன்பு பொது மக்களுக்கு தகவல் கொடுக்காத காரணத்தினாலும் கூட்டத்தை ஒத்தி வைக்க வலியுறுத்தினோம். ஊராட்சி மன்றம் மற்றும் வட்டார வளர்ச்சி அலுவலர்களின் வேண்டுகோளுக்கு இணங்கி வார்டு உறுப்பினர்கள் வரவழைக்கப்பட்டு கூட்டம் நடத்த அனுமதித்தோம்.

பின்பு இக்கூட்டத்தில் தென்னை நார் தொழிற்சாலையால் ஏற்படும் குடிநீர் பாதிப்புகள் குறித்தும், ஆழ்துளைக்கிணற்றை இயக்க வேண்டிய தேவை குறித்தும் வலியுறுத்தி உரிய தீர்மானங்கள் நிறை வேற்றப்பட்டது.

மேலும், சந்திராபுரத்தில் இருந்து புளியமரத்துப்பாளையம் செல்லும் வழியில் அமைந்துள்ள டயர் எரிக்கும் தொழிற்சாலையால் ஏற்படும் பாதிப்புகள் குறித்து ஊர் பொதுமக்களும், உழவன் சமூக சேவை மையம் சார்பாக கிராம சபையில் விவாதிக்கப்பட்டு உரிய நடவடிக்கையை உடனடியாக மேற்கொள்ளும்படி வலியுறுத்தினோம்.

இனிவரும் காலங்களிலும் உழவன்- சமூக சேவைமையத்தின் சார்பாகஅனைத்துகிராம சபை கூட்டங்களிலும் பங்கேற்று பொது மக்களின் நலனுக்காக தீர்மானங்கள் நிறைவேற்ற பாடுபடுவோம்!!!

நாடாளுமன்றம், சட்ட மன்றம் போல கிராமங்களின் வளர்ச்சிக்கா உருவாக்ப்பட்ட ஒரு அமைப்பு தான் கிராம சபைகூட்டம். ஜனநாயகத்தில் அனைவருக்கும் பொறுப்பு, கடமை, உரிமை இருக்கிறது. மக்களின் பங்களிப்பு முக்கியமானது. இதை அனைவரும் சிந்தித்து பார்த்து இனி வரும் கிராம சபை கூட்டங்களில் பங்கேற்று நமது ஊராட்சியின் வளர்ச்சிக்காக ஒன்று படுவோம்!